އަހްލާމް 33ވަނަ ބައި

"އަލީފް! އަހަރެންނަށް އެނގޭ އަހަރެން މިއީ އެހާ ރަނގަޅު މީހެއް ނޫންކަން! އަދި އަހްލާމާ ވާދަކުރެވޭނެ މީހެއްވެސް ނޫންކަން!" ނަތާޝާއަށް ބޭއިޚްތިޔާރުގައި ވާހަކަދެއްކެން ފެށިއެވެ. "ލުކްޝާން އަހްލާމާ ހެދި މޮޔަވެފައި ހުންނަކަން އެނގޭތީވެ..، އަހަރެން އަހްލާމް ވަގަށް ނެގުމަށް ލުކްޝާނަށް ޚިޔާލު ދިނީ! އަހަރެންގެ އަމިއްލަ އެދުމަށްޓަކައި!"

"ވަޓް! ވަޓް ހޭވް ޔޫ ޑަން!" އަލީފްގެ މޫނުމަތި ބަނަވެގެން ދިޔައީ ނަތާޝާއާމެދު ދެކެމުން އައި ގޮތް ބަދަލުވުމާއެކުގައެވެ.

"ޔޭސް! އަހަރެން އެކަން ކުރީ އަލީފް ތިއީ އަހަރެންގެ މީހަކަށް ހެދުމަށް!" ނަތާޝާގެ ދަބަހުން ދަތިގަނޑެއް ނަގައި އަލީފްގެ އަތަށް ދިއްކޮށްލިއެވެ. "އެކަމަކު ތަޤްދީރުގައި ލިޔެވިފައި ނެތްކަމެއް... އަހަރެންނަށް މަޢަފްކުރޭ! އަހަރެންނަށް ކަން ކުރެވުނީ ރަނގަޅަކަށް ނޫން!"

އަހްލާމް (32ވަނަ ބައި)

އަލީފަށް ފުން ނޭވާއެއްލެވުނެވެ. އަހްލާމްގެ ހަށިގަނޑުގައި އޭނާ ބާރަށް ބައްދައިލިއެވެ. އެހެނަސް އަހްލާމްގެ ފަރާތުން އަލީފަށް އެ ހަރަކާތުގެ ޖަވާބެއް ނުލިބުނެވެ. އަހްލާމްގެ އަތް ވަނީ ތިރިއަށް ދޫވެފައެވެ. އޭނާގެ ހަށިގަނޑުގައި އަލީފްގެ އެ ލޯބި އިޝާރާތަށް ރައްދުދޭނެހާ ބާރެއް ނެތެވެ.

"ވަޓްސް ގޮއިން އޮން؟" ލުކްޝާން ކޮޓަރީގެ ދޮރުމަތީގައި ހުއްޓިގެން ހުރީ ދެ ލޯ ތަންމިނަށް ހުޅުވައިގެންނެވެ.

"އެލިމިނޭޓް!" ޒާހީގެ އަމުރަށް ފުލުހުން ވަގުތުން ލުކްޝާން ބިންމައްޗަށް ވައްޓައިލާ، އަތް ފުރަގަހަށް ލައި ބިޑި އެޅުވީ ކުޑަ ވަގުތުކޮޅެއްގެ ތެރޭގައެވެ.

"އަހްލާމް! އިޓްސް އޯވަރ!" އަލީފް އަހްލާމްގެ ހަށިގަނޑު ދުރަށް ޖައްސާލައި އަހްލާމްގެ މޫނަށް ބަލައިލިއެވެ. "އަހްލާމް! އަހްލާމް! އަހްލާމް!"

އަހްލާމް (31 ވަނަ ބައި)

"އިޓްސް އޯކޭ!" އަލީފަށް އެ ވާހަކަތަކަށް ދޭނެ ޖަވާބެއް، ނޫނީ ރައްދެއްވެސް ނޭނގުނެވެ.

ވާނީވެސް އެހެންތާއެވެ. އަލީފްގެ ހިތް އަހްލާމަށްޓަކައި ކަރުތާފެނަށް އެރިގެން ދަނީއެވެ. އަލީފަށް ވިސްނޭނީ ހަމައެކަނި އަހްލާމާ މެދުގައެވެ. އެއީ ފުރަތަމަ ފެނުނީންސުރެއް އަލީފަށް އަހްލާމް ދެކެ އިންތިހާއަށް ލޯބިވެވުމުންނެވެ. އަހްލާމަށްޓަކައި އަލީފްގެ ހިތް މުޅިން ހިބަކުރެވުމުންނެވެ.

އެހެނަސް ނަތާޝާ އެއީ އަލީފްގެ ދަށުން މަސައްކަތް ކުރަމުން އައި ކުއްޖެކެވެ. އަލީފް ނަތާޝާ ދެކެނީ ގާތް އެކުވެރި، ވަފާތެރި މުވައްޒަފެއްގެ ގޮތުގައެވެ. ކަމަށް ކަމޭހިތާ ރަނގަޅު ކުއްޖެއްގެ ގޮތުގައެވެ. އެހެން ނަމަވެސް ދެން އަލީފްގެ ހިތުގައި އަހްލާމް ނޫން އެހެން އިންސާނަކަށް ދެވޭނެ ޖާގައެއް ނެތެވެ.

އާއެކެވެ. ދުނިޔޭގެ ދިރިއުޅުން މިއީ ވަރަށް ފާޑެއްގެ ކަމެކެވެ. ދުނިޔެ ހިނގާނީ ތޮށަލި ދުޅަޔަށެވެ. ނަތާޝާގެ ހިތް ވަނީ އަލީފަށްޓަކައި ޤުރުބާން ކުރެވިފައެވެ. އިންޓަވިއުއަށް ހާޒިރުވި ފުރަތަމަ ދުވަހުން ފެށިގެންނެވެ. އޭނާ ހުންނަނީ އަލީފަށްޓަކައި ވާންޖެހޭ ކޮންމެފަދަ ތައްޔާރީއެއްވެސް ވުމަށް ފޫގަޅައިގެންނެވެ.